DUNIA PENDIDIKAN-KEKERASAN ADALAH KITA

Sabananyo postingan ko agak talambek karano “para hakim” yang mengadili anak nan mampanjarokan gurunyo alah langang di media sosial.

Tapi ndak ba’a juo doh bahubung kini hari partamo sakola dan sasui himbauan Pak Anies supayo urang gaek manungguan anaknyo dihari partamo.

Dari pada manuang ; amud (amak/amai muda),mahmud (mama muda), macan(mama cantik) dan sejenisnyo di suduik sakola atau dikantin-kantin pinggiran sakola ndak ba’a dibaco coret-coretan ambo ko doh.

“Batue ko? sanak ndak protes kareh tambah ngamuak-ngamuak kalau anak sanak dipiciak gurunyo sampai sirah-sirah”, Yakin?
Kok ragu?

Kadang kito talampau capek manilai, padahal mangarati ndak permasalahan nan sabanayo.
Ditambah pulo manuduah anak nakal dek tampak foto merokok sama kawan-kawannyo. We’e ko masih anak-anak, kan? Nan salah sia sabananyo?, we’e atau gaeknyo, kito nan menghakiminyo atau lingkungannyo, Atau NJokowi?

Sabagian dari kito tamasuak ambo, suko maukue baju untuak urang lain jo badan surang.
Ba’a ambo katokan baitu , untuak nan acok kanai langkang dek guru samaso sakola atau nan basakola di STM zaman saisuk hal sarupo iko alah biaso dialaminyo kamungkinan akan mambela guru dan manyalahkan ‘siswa nakalko’
Babeda jo nan zaman sakola dulu tamasuak anak manis nan panuruik,rajin atau nan basikola SMK tataboga mungkin ndak mangalami nan sarupo iko kamungkinan juo nan dibelanya ‘siswa manjoko’.

Cieklai kito acok lupo, kalender alah bapuluah kali baganti, zaman alah barubah, presiden alah bakali-kali ganti. Pakaian dan perlengkapan zaman awak sakola dulu mungkin alah jadi barang antik dan sebagian jadi fosil.

Dulu kito sakola pakai Ase (angin sepoi-sepoi),manulih jo kapue di papan tulih pai sakola jalan kaki, kok mangarutuak bana dalam hati ndak ado tampek basikola nan lain doh (sabagian untuak pai sikola paliang dakek dua kali manyubarang aie tambah dua kali mandaki bukik).
Zaman kini pakai kelas pakai AC (air conditioner), manulis pakai spidol di whiteboard, barangkek sakola dianta pakai honda kok ndal oto. Pilihan sakola banyak.

Ditambah pulo kini ado Kak Seto dan Aris Merdeka Sirait, ma kanamuah disamokan juo samaso zaman kito dulu. Dulu amak mancari anak kalau hilang malala pulang sakola cukuik basirok dari rumah kon ndak bapasan ka urang nan lewat pai kasawah atau batang aie ; “kok ado nampak anak ambo suruah pulang yo”.
Kini ndak ado anak dirumah ; ambiak HP lalu talepon ,SMS atau what’s up. Kadang tambah jo up date status ; “capek pulang kerja anak nggak ada dirumah” (up date status tetap pakai bahasa indonesia).

Baitulah sanak, alah labiah 15 tahun. “Bajai tua”-Iwan fals memang ndak terbukti menjadi barang antik harga selagit. Apolagi caro bapikie kito.

Ah, paniang ambo, ndak sato ambo manilai nan salah wa’e atau gurunyo?
Berdoa sajo ambo semoga kejadian sarupo ndak tajadi ka anak ambo atau anak-anak lain. Semoga juo ndak ado guru nan dipanjaro lai.

Tabik,

Alwi Albana.
Petitenget, 1 syawal 1437.

Kategori Esai, Telaah

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

%d blogger menyukai ini:
search previous next tag category expand menu location phone mail time cart zoom edit close